إزاي هنفـرح

إزاي هنفــرح

سَلٍمي لي علي الحبايب
اللي نفسي أشوفهم مرة
سَلٍمي لي علي اللي نفسي أشوفهم مرة من زمان
نلعب سوا نفرح سوا وتمضي أيامنا سوا
تجري افراحنا قدامنا من سكات عاملة فيها عروسة خايفة من عريسها
بس لما اجري عندها تطلع عروسة حلوة من مِلَبِسْ
تاخدي حتة
يلا بينا ناخد من الفرحة شوية
او ناخدها كلها
عادي يعني لما احب افرح كل الفرح ويبقي ليا
مش لوحدي
ايوة مش عاوز لوحدي أفرح وانتوا جنبي من هناك ومن هنا
يلا نفرح نجري نطنط ونضحك
نفسي افرح
بالقرب منكم
هيا لما التفاحة تجري من شجرها بتكون بتفرح
لا
الناس بتفرح بيها بس هيا
لا
مش بتفرح
الفرحة فين لما تبعد عن أمها
لما تبعد عن أرضها
لما تبعد وسط ناس فرحانين من أومن هناك
عارف الفرحة دي حاجة حلوة قوي عارف بنشوفها إمتي
لما تعمل نفسك نايم علي السرير
تستني أبوك يغطيك من برد الشتا
او لما تجيب نتيجة نص حلوة وأمك تشوف إنك جايب كل حاجة حلوة
او حتي وانت تعبان شايل هموم الدنيا تلاقي صحبة حلوة
تاخدك من الدنيا وتوديك علي جنة حلوة
بس المتعة
ان الجنة والصحبة ويا ابوك وامك وسط الولاد والزوجة والاخوات بتبقي احلي
واحلي كمان في ولاد الولاد
لما تكبر وتبقي جدو والسن واقع والشعر الابيض
قاعد تناهد في صاحبتك كركوب عجوز قاعدة جنبك مسلياك في وحدتك
طول عمرها عايشة الامل عايشة الحياة مع عمرها
ما انت الامل وانت الحياة بالنسبة ليها
شايلة الضنا وشايلة الهنا طول عمرها في صحبتك
قوموا يلا ياكراكيب منك ليها
يلا ياجدو يلا تيتة
التورتة جاهزة
مبروك عليكم حياة جميلة وصحبة حلوة
شلة عيال متنططين علي حِجْرِنا
ربي يبارك فيهم وفي اصلهم
كَبًرْ وربي وعَلٍم لأجل اللحظة دي
لما تيجي شمعة العمر تنطفي
تلقي شموع من ستين سبعين سنة بتربي فيها
تنور لك دنيتك ورحلتك ومعاك حتى فى جنتك